Jorhenkuarhikua “ketsikua” anapuechio ambe jimbo…
E – FRANCISCO MARTÍNEZ G. /Leer en Español.
Juchari irechekua k’erirhu mamaru ambe ukuarhixati enga mojtakukuarhini jaka, manamana atakuarhixati. No ambé ma indé motsintskua, niakukuxati jima enga uétarhini jaka eska mojtakukuarhioka sesi pentskuarhu ixi. Indecheri kaskukua partidu polítiku arhikatecha ja juramutiecha jatsikuarhikua ka tuminkuksï chuxapasïndiksï. Chungumaxati tsïhue juramukua. Najku nikaia ma ekuasti uéxurhini indé “siglo XXI” arhikata, indé irechekua k’eri Méxiku uaxaskupka kankuarhikua ambé “premodernu” japarini. Kankuarhikua “moderno”arhikata notki janusïndi, jimbo ma “modernidad” juasïndi ka niarakusïndi markuentskua. Enga p’ikuarherakuarhini jaka ixu ini irechekuarhu Mexiku jindesti sapirhatku intsimperakua jarhani. Sanderu kotsixati, enga notki meni urhiani japka indé Juramukua “paternalista” (enga iamindu ambe tataemba andapatka t’irekua ambé ka uajpechaksï isku jarhani erouani).
Isïsti ka iasï Mexiku, jo, jupikati ka t’auatskuarhixati indé “near sourcing”ahikatarhu. Naku iamindu ambe sesi jaka, jima chumaxati ukuarhini eska na juramukua ioniksï inde “burocracia política” ka nochka indé sesimindu makurhitixaki juramukuarhu ka partidu polítikuchani. Isïsti, xarharaxati eska indé juramutiechaksï exeaxaka k’uiripu komajndichani, joperu iotakuarhu uératini. Erajp’oxati jima sesi jandikuarhiu ka en iamindu ambe jaka uératin. No exeksïndi ma uirjhipanda ka eratiparini k’uiripuecha. Niatakuarhu jimbo indé juramuti intsimbisïni kurucha iamindu komkujandichani, ka enga isïka, nojtu intsasïndi p’itamatakua ka ninjtu jorhendauanki naina p’itamoni kuruchechani.
Jima uératini enga jaka eratsikua ima Juramukua enga arhaarhajkujka nirani japunda engaksï indechku jakajkujka onkuarhitini. Indé, najku no uékajka arhirkuarhini indé ambe jindesti eratsikua enga majku jakajkukua uekja uaxajtani. Indé, enga jaka mintsikuarhitini jima enga jaka ma “izquierdismo nominal”.
Exe je, iamindu ambe p’itsikuarhikua ka jandiojku sesi ikuarhikua engaksï ioniksï niatakia indé partidu politikucha, juramuti turhisïcha, inderi pampiricha, jimó anapuecha, achikuarhiti jirieticheri ka tumina jatsiriechari, xukuparhakusï mojtakukuarhiti, no januxati marhuatspikua iretani. Enga jaka niatakua jindesti isku jarhochakua. No jarhasti jirinperatskua ka marku anchekuarhikua. Jimini isï exeparini, indeksï mirikusïndi eska indé “modernidad” arhikata januati enga no jauarhiouaka ima k’uiripuechani engaksï menkumindu komku irekuarhini jaka, ixu Mexiku juruticheri enga sanderu jaka jarhochakua iuaniniksï jati sesi kamberakua, sanderu k’esti ikichakuani ka uekaikua komku jankuarhu.
Jimini uetarhijti eskaksï inde engaksi juramuni jaka eskaksï jorhekuarhiaka naksï irekuarhixaki ketsikua anapuecha. Ireta indigenecheri eratsikua ka janhaskua. Naku xani ambe nirakuani jaka ikichani jasï ambe, indeksï utasï uxati patsani eratsikua ka janhaskua tua ka ionki anapu. Sanderu enga iasï ambe na ukuarhini jaka. Jarhasti markuetskua ka jatanisïndi jima enga jaka “modernidad” ka “democracia” arhikata. Irekua indigecheri jarhasti inde ambe enga “partidu polítikucha” ka istu iamindu k’uiripu mexicanuecha, ka sanderu inde juramuti “Estado mexicanu”, upirindiksï exentani mamaru ambe xanharu enga paáka jima enga uétarhini jaka indé tsandhperakua.
– – – – – – – ooo – – – – – – –
